Accessibility links

Tèt Ansanm ant Lachin ak Etazini Bon pou 2 Peyi yo e pou Rès Mond lan Dapre Pòtpawòl Mezon Blanch lan


Prezidan Taiwan, Tsai Ing-wen, agoch, foto: 29 jen 2016. Prezidan eli Etazini, Donald Trump, nan mitan, foto: 10 novanm 2016. Prezidan Lachin, Xi Jinping, adwat, foto: 22 novanm 2016.

Administrasyon Obama a fè konnen Etazini pa dwe sèvi politik “Yon sèl Lachin nan ” pou l fè Lachin mache jan li vle.

Pòtpawòl Mezon Blanch lan, Josh Earnest t ap reyaji mandi 13 desanm 2016 la apre deklarasyon Prezidan eli Donald Trump te fè dimanch pase a kote l te di li pa konnen poukisa Etazini ta dwe rete angaje nan politik sa a si pa gen yon antant ki fèt sou lòt kesyon, tankou komès.

Depi 1979, Etazini rekonèt pozisyon ofisyèl Lachin kòmkwa Taiwann se yon pati nan Lachin.

Msye Earnest pale de kolaborasyon Lachin sou chanjman klima a, akò nikleyè ak Iran an ak presyon ke Lachin mete sou Kore di Nò, kòm ekzanp kote tèt ansanm ant 2 peyi yo bon pou Ameriken, pou Chinwa, e pou tout planèt la.

XS
SM
MD
LG