Accessibility links

Breaking News

Etazini: Vòt la Kòmanse Ozetazini nan Premye Eleksyon Primè Pou ane 2012 la


Elektè nan Eta New Hampshire kòmanse vote nan premye eleksyon primè k ap dewoule nan kad kanpay prezidansyèl ane 2012 la.

Isit Ozetazini, Elektè nan Eta New Hampshire kòmanse vote nan premye eleksyon primè k ap dewoule nan kad kanpay prezidansyèl ane 2012 la. Moun k ap viv nan yon ti vil ki rele Dixville, tou prè fwontyè Lèzetazini ak Kanada, se premye votan ki jete bilten you nan primè sa a; li te fèk minui lè operasyon yo te kòmanse nan vil la.

Daprè sa otorite elektoral yo di, ansyen gouvènè Eta Massachussets la, Mitt Romney ak ansyen anbasadè ameriken nan Lachin, Jon Huntsman, yo chak ranpòte 2 vòt sou yon total 9 bilten. Rès vòt-yo (swa 5 an tou) pataje ant 4 lòt kandida yo.

Nan sondaj dopinyon ki fèt anvan primè nan New Hampshire, Misye Romney genyen yon gwo avans sou advèsè l yo; men, sa pa anpeche prensipal kandida ki an fas li yo lanse atak sou li nan dènye moman kanpay la.

Jon Huntsman fè yon deklarasyon lendi 19 janvye 2011 la kote li di:

“Nan 2 jou ki pase yo, sa ki diferansye gouvènè Romney avèk mwen, parèt pi klè. Map toujou fè peyi- mwen pase anvan tout bagay; men sanble gouvènè Romney panse li dwe fè politik pase anvan. Misye Romney renmen revoke moun; mwen-menm, mwen renmen kreye travay.”

Pi gwo kritik yo santre sou karyè misye Romney nan sektè prive a kote li te dirije yon antrepriz envestisman ki te pèmèt li fè plizyè milyon dola. Anpil analis panse antrepriz sa a te revoke plizyè santèn moun ki t ap travay nan kèk konpayi, yon fwa misye Romney te achte konpayi sa yo, alòske antreprenè ki te envesti nan konpayi yo te fè anpil lajan.

Kandida Rick Santorum –ki te sòti 2èm nan asanble elektoral Eta Iowa a semèn pase a, avèk 8 vwa sèlman dèyè Mitt Romney-- espere fini kous la tou nan 2èm pozisyon nan New Hampshire. Li panse yon rezilta konsa se tap yon bon pwen pou li.

Rick Santorum di: “Mwen t ap kontan onnpepli avèk yon 2è, plas, o.k.? A wi, kanta sa, se sa. Gade Ron Paul ki te poze kandidati l isit la plis pase 17 fwa; alòs, mwen pa panse yon moun ka jwenn menm bon rezilta ke misye."

An plis Mitt Romney, Rick Santorum, Jon Huntsman, ak Ron Paul, gen 2 lòt kandida nan kous la nan primè Eta New Hampshire la : Ansyen prezidan Chanm dè Reprezantan an, Newt Gingrich avèk aktyèl gouvènè Eta Tegzas la, Rick Perry.

XS
SM
MD
LG