Accessibility links

Siri: Batay pou Repran Vil Alèp nan Men Gwoup Rebel yo Rive Nan Bout li


Lafimen dife kap monte nan zòn kote gwoup rebèl yo te kontwole nan Alèp peyi Siri. 12 desanm, 2016.

Nouvèl yo fè konnen fòs rebel yo déja wete kò yo nan dènye pozisyon ki te anba men yo a devan twoup gouvènman yo kap vanse san rete avèk apui frap aeyen.

Gouvènman siryen an repran yon distri nan sid vil la nan men rebel yo e lanse frap aeryen sou dènye zòn ki te anba men konbatan opozisyon yo pandan lannwit dimanch 11 pou louvri 12 desanm nan.

Kòmandan Twoup lame Siri a, General Zaid al-Saleh, deklare: Batay nan lès Alèp la pap pran tan pou l fini. Rebèl yo pa gen anpil chwa devan yo. Se swa yo rann tèt yo oubyen yo mouri.

Popilasyon sivil ap kouri kite vil la nan plizè direksyon. Gen nan yo ki pran wout zòn kote rebèl yo toujou okipe e gen lòt ki pran direksyon zòn fòs gouvènman Siri a okipe nan lwès Alèp.

Minis Defans peyi Larisi a di gen 13 mil 346 moun nan popilasyon sivil la ki kite zòn ki te anba kontwòl rebel ak 728 rebèl ki rann tèt yo bay fòs lame Siri a.

XS
SM
MD
LG