Pakistan fè konnen kout zam ke twoup militè peyi End tire jounen mèkredi 23 novanm 2016 pa lòt bò fwontyè touye 11 sivil pou pi piti ak 3 solda nan rejyon Kashmir ki an diskisyon.
Lame peyi Pakistan fè konnen twoup li yo te reponn kif-kif e touye pou pi piti 7 solda endyen. Men li pa revele sous kote li jwenn bilan pou lòt kan an, e End pako reponn pou apiye oubyen rejte chif sa yo.
Sivil yo tonbe nan kan Pakistan an nan vale Neelam toupre liy separasyon ant End ak Pakistan.