Ekspè lasante yo poko konnen si varyan omicron an ap koze sentom COVID-19 ki mwen sevè, men Afrik di Sid ap chache repons kestyon sa a.
Doktè yo di pasyan yo trete yo pat osi malad ke moun ki te enfekte ak varyan delta a. Enfòmasyon yo resevwa pandan jou ki sot pase yo montre gen mwens moun ki oblije entène lopital e gen mwens moun ki mouri akoz varyan omicron an konparativman ak sa yo te konstate anvan.
Men sa fè sèlman 2 semèn depi yo te kòmanse anrejistre varyan omicron an ann Afrik, e savan yo lanse avètisman pou di moun ta dwe pran anpil preksyon, paske sa pral pran plizyè semèn anvan yo konnen egzakteman si obsèvasyon preliminè yo kenbe.
Malgre varyan delta a prezan e dominen enfeksyon kowonaviris yo toupatou nan mond lan, omicron limenm gaye nan dè douzèn peyi, e se li ki dominen ka enfeksyon yo anrejistre nan Afrik di Sid yo.
