Accessibility links

Kiba Kòmanse yon Pwosesis pou Mete Fen nan Rejim Castro a

  • Ekip Sèvis Kreyòl VOA

Nan mi an moun kapab wè yon foto ansyen prezidan kiben an Fidel Castro; yon dam ki fèk ap rive nan biwo vòt la pou l lal lage bilten vòt li nan eleksyon minisipal yo nan Kiba, Lahavann 26 novanm 2017.

Prezidan kiben an, Raoul Castro, vote ansanm ak plizyè milye elektè nan eleksyon minisipal ki dewoule dimanch 26 novanm 2017 la yon fason pou tanmen yon pwosesis pou rive mete fen nan rèy fanmi Castro a kap dirije zile kominis la depi plizyè dizèn dane.

Pwosesis eleksyon minisipal la, ki te dewoule anba sipèvizyon pati kominis la, dewoule yon jou aprè premye anivesè lanmò defen lidè kiben an Fidel Castro. Opozisyon an pat voye okenn kandida nan eleksyon dimanch 26 novanm nan ki vize chwazi plis pase 12 mil 500 pòs pami 30 mil kandida ki te patisipe nan pwosesis la.

Vòt minisipal la ki se sèl eleksyon dirèk nan peyi a, make kòmansman yon pwosesis pouvwa a kontwole deprè nan entansyon pou chwazi lidè ki pral okipe pi gwo pòs nan gouvènman an.

XS
SM
MD
LG