Accessibility links

Breaking News

Etazini-Prezidansyèl: Deba ant Kandida Demokrat yo – Imigrasyon te nan Mitan Diskisyon yo.


Kandida a la prezidans pou Pati Demokrat la, Hillary Clinton ak Sen. Bernie Sanders (I-Vt), te kanpe youn bò kote lòt anvan kòmansman deba ki dewoule sou patwonaj chèn televisyon lang panyòl Univision ak jounal Washington Post nan Inivèsite Miami-Dade nan Eta Florida, nan sware 9 mas 2016 la.

Ozetazini, kandida pou nominasyon Pati Demokrat la, ansyen Sekretè Deta Hillary Clinton ak Senatè Bernie Sanders, yo youn lanse defi bay lòt la pou mande li defann dosye pèsonèl li sou kesyon tankou imigrasyon nan yon deba byen chofe pafwa ki te dewoule mèkredi swa nan Eta Florid. Madi kap vini la a, 2 kandida yo prale nan eleksyon primè nan menm Eta a kote Misye Sanders espere repete viktwa li te ranpòte semèn sa a nan Eta Michigan epi ratrape reta li genyen pa rapò ak Madam Clinton pou sa ki konsène kantite delege yo chak genyen.

Kandida Clinton repwoche Senatè Sanders le fèt ke li te vote kont yon pwopozisyon-lwa ki te devan Kongrè a an 2007 pou pote refòm nan sistèm imigrasyon an, alòske Misye Sanders te chache kwense Madam Clinton ki, daprè li, te eseye bloke efò ki tap fèt pou pèmèt imigran ilegal yo posede lisans chofè. Sepandan, chak nan 2 kandida yo di, si se li ki ranpòte prezidans la, li pap fè depòte imigran ki minè toujou, ni imigran majè ki pa gen yon dosye kriminèl.

Deba ant 2 kandida Pati Demokrat la, Hillary Clinton ak Bernie Sanders, nan oditoryòm Inivèsite Miami-Dade la, nan dat 9 mas 2016 la.
Deba ant 2 kandida Pati Demokrat la, Hillary Clinton ak Bernie Sanders, nan oditoryòm Inivèsite Miami-Dade la, nan dat 9 mas 2016 la.

Hillary Clinton ak Bernie Sanders lonje dwèt sou advèsè repibliken yo, Donald Trump, poutèt yon pozisyon ki diferan anpil misye genyen sou dosye imigrasyon an. Pa egzanp, Misye Trump gen plan pou li fè bati yon miray sou tout longè fwontyè ki separe Lèzetazini ak Meksik la, epi depòte anviwon 11 milyon imigran kap viv ilegalman Ozetazini.

XS
SM
MD
LG