Nan peyi Iran, televizyon Leta a nan peyi sa a fè konnen militan opozisyon an ak moun ki fidèl ak gouvènman an tonbe nan lese-frape nan seremoni antèman yon etidyan ki te mouri nan manifestasyon anti-gouvènmantal ki dewoule semèn sa a nan kapital la, Teheran.
Daprè menm sous la, 2 gwoup rival yo fè konfwontasyon mékredi 16 fevriye 2011 la nan Fakilte dè Zar Inivèsite Teheran an, kote sèvis finèb la t ap dewoule pou etidyan an, ki te rele Sanee Zhaleh.
Opozisyon an ak gouvènman iranyen an, yo youn lanse akizasyon pou di se lòt la ki responsab lanmò etidyan an.