Prezidan Joe Biden pare pou l akeyi Premye Minis Peyi Ba a, Mark Rutte pou fè chita pale avè l.
Administrasyon an ap eseye konvenk Peyi Ba pou l limite pi plis aksè Lachin genyen ak semi-kondiktè avanse yo epi mete restriksyon sou ekspotasyon pwodui sa a.
Chita tande kap fèt Madi a pral santre tou sou jefo 2 peyi yo ap fè pou dejwe envazyon Larisi nan Ikrèn nan epitou yon somè sou demokrasi yap oganize.
Administrasyon Biden nan ap eseye depi kèk tan pou'l pran tèt Peyi Ba pou l adopte menm pozisyon ak Etazini depi Depatman Komès Etazini an te anonse nan mwad Oktob la nouvo kontwol sou ekspotasyon ki vize Lachin.
Jeyan teknoloji Olandè ASML se youn nan prensipal pwodiktè machin ki kreye epi pwodui semi-kondiktè yo.
Lachin se youn nan pi gwo kliyan ASML yo.
