Accessibility links

Breaking News

Biden Anonse yon Plan pou Padone Prè Etidyan Inivèsite yo


Prezidan Joe Biden pale sou pwogram soulajman det pou etidyan yo nan Lamezonblanch, Mekredi 24 Out, 2022.

Prezidan Joe Biden anonse yon plan moun tap tann depi lontan, ke li te pwomèt pandan li tap mennen kanpay pou prezidans la. Plan an anvizaje anile $10,000 dola dèt etidyan yo. Sa pral afekte dè milyon Ameriken.

Biden deklare: "Men koze a. Pri edikasyon apre lise ogmante anpil. Pri total pou etidye nan inivesite pandan 4 an triple - preske triple nan 40 an ki pase yo. Olye yo finanse kolej piblik yo anpil eta diminye sipo yo - nou fek tap pale de sa nna biwo Oval la. Anpil eta koupe sipo yo pou inivesite leta yo e sa lakoz etidyan yo oblije peye po kase a. "

Etidyan defavorize yo taka resevwa anilasyon plis pase $10,000 dèt pa yo pou etidye nan inivèsite.

Biden anonse nan yon mesaj li pibliye sou kont Twitter li Mèkredi, ke moun ki gen yon salè anyèl de mwens pase $125,000 pa an, oubyen fanmi ki antre mwens pase $250,000 ap elijib pou pwogram ki padone $10,000 dèt la.

Pou moun ki resevwa prè Pell, ki se prè ki rezève pou etidyan ki nan ant premye ak 4èm ane inivèsite yo e ki gen pi gwo bezwen finansye yo, gouvènman federal la pral anile jiska yon lot $10,000 nan dèt federal yo.

Biden di li pral pwolonje tou, poz repeman dèt etidyan yo pou jous fen ane 2022 a.

Enfomasyon pou repotaj sa a soti nan Associated Press

XS
SM
MD
LG