Nan Bahreïn, Plizyè milye moun an-dèy rasanble nan divès vilaj ki pa lwen ak kapital la, Manama, pou yo antere manifestan ki viktim operasyon sere-boulon otorite yo te lanse kont moun ki t ap patisipe nan yon mouvman pwotestasyon anti-gouvènmantal.
Pandan seremoni antèman yo, moun yo chante slogan kote y ap mande dechoukaj gouvènman an. Gen obsèvatè ki pè pou antèman sa yo pa bay okazoyn pou plis vyolans dewoule nan Barèyn e nan lòt peyi nan rejyon an, aprè yon seri de mouvman rasanbleman popilè ki fèt nan nasyon arab-yo pou mande fen rejim an plas yo.