Accessibility links

Breaking News

Pwotestasyon fè Viktim nan Peyi Bahreïn


Pwotestasyon fè Viktim nan Peyi Bahreïn

Nan peyi Bahreïn, lapolis anti-emeut lanse, byen bonè jedi 17 fevriye 2011 la, yon operasyon sere-boulon sou prensipal plas piblik kapital la, Manama, kote yo kouri dèyè plizyè milye manifestan ki te enstale divès kan epi yo t ap pwoteste pou egzije gwo chanjman politik nan peyi a ke yon wa ap dirije.

Daprè kèk temwen, gen o mwen 4 moun ki mouri. Fòs sekirite yo te tire gaz lakrimojèn, yo lanse grenad ki bay lafimen, ak boulèt an kawoutyou, pandan yo t ap fonse sou plas piblik la anvan solèy te leve pou yo atake manifestan yo ki se moun ras chiyit pou pi fò e ki te pran pozisyon sou plas la depi madi pase a.

Nouvèl yo di pami manifestan yo te genyen fanm ak timoun. Yo kouri lopital ak anpil nan moun ki blese yo.

XS
SM
MD
LG