Accessibility links

Breaking News

Atis Jason Derulo Goumen ak 2 Moun nan Las Vegas


Foto Achiv: Chante Jason Derulo.

Lapolis fè konnen chantè R&B Jason Derulo, ki se yon Ayisyen Ameriken, mele nan yon eskonbrit ak 2 moun nan yon otèl nan Las Vegas. Sepandan lapolis di yo pa arete'l ni mande'l pou'l konparèt devan lajistis.

Lapolis vil Las Vegas deklare kont la pete vè 2 zè di maten Madi nan yon nightklub ki sitye nan otèl Aria a.

Reprezantan Derulo a pat reponn demann Associated Press voye ba li pa "email" pou l fè komantè sou koze a.

Rapò ki parèt nan laprès ak sou sit entènèt TMZ a, ki bay zen sou selebrite yo, te montre yon videyo ki fè konprann kòm kwa se chantè a kap voye kout pwen ak yon moun apre moun sa a te rele'l "Usher" - ki se non yon lòt mizisyen.

Lapolis di pèsonn pat vle ale pi lwen ak akizasyon an.

Derulo trè popilè sou rezo sosyal yo kote li pibliye plizyè videyo sou TikTok ak Instagram ki atire dè milyon moun nan mond lan.

XS
SM
MD
LG