Accessibility links

Apèl Pou Yon Ankèt Sou Vyolasyon Dwa Moun Nan Jamayik

  • VOA Nouvèl

Lapolis nan Kingston, Jamayik nan dat 24 me 2010 la

Yon gwoup dwa zimen mande pou Jamayik ouvè yon ankèt sou vyolasyon dwa moun ki ta rive nan ane 2010 la lè gouvènman peyi a te dekrete 2 mwa eta dijans nan moman la polis te lage koukouwouj dèyè yon dilè dwòg ki gen repitasyon entènasyonal.

Amnesty International di otorite jamayiken yo dwe tabli yon komisyon dankèt endepandan pou yo ka trennen devan lajistis moun ki te responsab pou zak vyolasyon yo (pami zak sa yo genyen lanmò 74 moun).

Amnesty International pibliye yon rapò lendi 25 me a nan okazyon premye anivèsè lansman yon operasyon koukouwouj nan yon bidonvil nan Jamayik pou lapolis te arete dilè dwòg Christopher Coke.

Lapolis te fin pa arete e depòte mesye Coke Ozetazini kote l ap fè fas ak akizasyon deske li te mele nan komès zam ak trafik dwòg.

Gwoup defans dwamoun nan di plis pase 4 mil moun te ale nan prizon pandan eta dijans la –pami yo te genyen yon pakèt timoun.

XS
SM
MD
LG