Accessibility links

Ansyen Prezidan Ameriken Bill Clinton Prale ann Ayiti Lendi 28 Novanm pou yon Vizit 2 Jou

  • VOA Nouvèl

Dapre yon nòt pou laprès ki sòti nan Biwo Fondasyon Clinton nan nan New York, Prezidan Bill Clinton prale ann Ayiti lendi 28 novanm 2011 la.

Nan mitan jounen lendi a, Misye Clinton prale patisipe nan seremoni poz premyè pyè pak endistriyèl Karakòl la, nan rejyn nò peyi Dayiti, kote li gen pou l pran lapawòl. Seremoni sa a ouvè pou laprès.

Apre sa, Prezidan Clinton ansanm avèk Premye Minis ayisyen an, Garry Conille, pral fè yon anons k ap ouvè tou pou jounalis yo, nan Otèl Karibe, nan Petyon Vil.

Nan demen madi 29 novanm nan, toujou nan Otèl Karibe, Prezidan Clinton, lidè ayisyen an, Prezidan Michel Martelly, ak Prezidan Bank Entè-Ameriken Devlopman an, Luis Alberto Moreno, pral asiste yon fowòm kote patisipan yo pral pale de envestisman ann Ayiti; 3 pèsonalite yo genyen pou yo pran lapawòl nan sikonstans la.

Enstitisyon ki pawone fowòm sa a, se Fondasyon Clinton, Bank Entè-Ameriken Devlopman avèk gouvènman ayisyen an. Laprès envite pou l kouvri seremoni inogiral la. Apre fowòm sou envestiman ann Ayiti a, Prezidan Clinton ak misye Moreno pral fè yon anons; e laprès gen envitasyon pou l kouvri evennman sa a.

XS
SM
MD
LG