Accessibility links

Angola-Eleksyon: Pati Ki sou Pouvwa a Genyen Eleksyon an

  • Ekip Sèvis Kreyòl VOA

Joao Lourenco, minis defans Angola a apre li te fin vote nan kapital la, Luanda, Angola 23 out 2017.

Nan Angola, kandida pati MPLA a ki sou pouvwa a, e ki se alafwa minis defans la, Joao Lourenco, pase nan eleksyon an a 64 pousan vwa yo kote wout la trase klè devan li pou vin tounen pwochen prezidan ansyen koloni Pòtigal la.

Mesye Joao Lourence pral pran kòn nan men prezidan sòtan an, Eduardo Dos Santos, ki sot pase 38 lane ap dirije nasyon Afrik santral la. Yon responsab elektoral nan kapital peyi a, Luanda, te deja deklare pou l di pati mouvman pou liberasyon Angola a ranmase pifò nan vwa yo.

2 prensipal pati yo nan opozisyon angolèz la, UNITA ak Casa-CE, ki rive reyalize sèlman 24 pousan pat pèdi tan pou deklare vòt la chaje ak iregilarite. Moun atann yo aske minis defans Joao Lourenco monte sou pouvwa a kòm prezidan Angola amwenske kèk pwoblèm legal vin bare chemen an.

XS
SM
MD
LG