Accessibility links

Breaking News

Almay: Apre 16 Zan nan Chanselri a, Angela Merkel di Pep Alman an Orevwa


New elected German Chancellor Olaf Scholz, right, has given flowers to former Chancellor Angela Merkel during a handover ceremony in the chancellery in Berlin, Wednesday, Dec. 8, 2021. (Photo/Markus Schreiber)

Nouvo chanselye alman Olaf Scholz prete sèman ofisyèlman. Li ranplase Angela Merkel nan chanselri a Merkredi 8 desanm nan e li remèt li youn nan pi bèl djob ki te kapab egziste.

Pandan seremoni an kite dire demi èd tan Merkel san montre oken emosyon di Scholz mwen konnen daprè eksperyans pèsonèl mwen se yon moman emouvan pou-w eli nan pòs sa a.

Scholz remèsye Merkel pou travay li pandan 16 zan ki pase yo e li di-l eksperyans kolektif li pandan si lontan pral ede-l nan nouvo pozisyon sa a.

Scholtz se yon negosyatè ki gen eksperyans e yon politisyen veteran kite sekretè jeneral SPD de ane 2002 pou rive ane 2004 li te defann refom mache travay la ak reduksyon sou byenèt sosyal la kite soulve anpil pawol anpil sou ansyen chanselye Gerhard Shroeder.

Kom minis travay de 2007 a 2009 nan premye kowalisyon Merkel la Scholtz te pouse pou yon gran shema travay pi kout ki te ede proteje plizyè milyon travayè pandan kriz finansye mondyal la.

Gouvènman Scholz-la ap pran fonksyon ak gwo espwa pou-l modènize Almay e konbat chanjman klima-a, men l-ap fè fas ak defi ki kanpe devan-l kounye-a menm ki se jere vag ki pi malouk deja nan pandemi Kowonaviris-la.

Scholz atire jodi mèkredi-a sipò 395 palmantè. Koalisyon 3 pati-li-a gen 416 syèj sou 736 ki nan chanm depite-a.

XS
SM
MD
LG