Accessibility links

Breaking News

Aktè Chris Noth Pèdi Djob li ak Chèn Televizyon CBS Akoz Akizasyon Abi Seksyèl


Foto Achiv: Akte Chris Noth poze pou yon potre nan Beverly Hills, Kalifoni, 26 Jiye, 2017.

Aktè Chris Noth pap jwe nan seri televize chèn CBS ki rele "The Equalizer" ankò apre akizasyon kòm kwa misye ta komèt abi seksyèl kont yon fanm.

Universal Television ak CBS pibliye yon deklrasyon konjwen Lendi pou di Noth pral sispann filme seri a "efektiv imedyatman."

Noth (ke fanatik yo konnen pou wòl li kòm Misye Big nan seri televize HBO Sex and the City a) te jwe yon ansyen direktè CIA nan "The Equalizer". Vedèt Queen Latifah jwe wòl prensipal la.

Noth pral parèt nan omwens yon epizòd nan semèn kap vinn la yo ke yo te deja filme.

Nap raple gen 2 fanm ki akize Noth de abi seksyèl nan yon entèvyou yo bay jounal The Hollywood Reporter, ke li pibliye semèn pase a.

Noth demanti akizasyon an ak tout fòs li. Dapre temwayaj medam yo, ensidan an te pase nan ane 2004 ak 2015. Aktè a ensiste pou di relasyon seksyèl li ak medam sa yo te konsansyèl.

XS
SM
MD
LG