Accessibility links

Aksidan an Almay-Yon Kamyon Antre nan yon Mache: Omwen 9 Moun Mouri


Ajan sèvis ponpye kap mache tou pre kamyon an sou lye ensidan an nan mache Nwèl la sou plas Breitscheidplatz nan lwès Bèlen an Almay. 19 desanm, 2016.

Nan peyi Almay, otorite yo di yo konte apeprè 9 moun ki mouri ak 50 lòt pou pititi ki blese apre yon kamyon te antre nan yon mache an plennè.

Ensidan an ta sanble anpil ak sa ki te rive an Frans 14 jiyè 2016 la nan vil Nice pandan Fèt Desanglè a sou Plas Pwomenad la kote yon kamyon pwa lou te antre sou yon group moun epi li te touye anpil nan yo.

Anbilans kap transpòte moun ki blese nan lopital apre yon kamyon te antre sou yo nan yon mache an plennè.
Anbilans kap transpòte moun ki blese nan lopital apre yon kamyon te antre sou yo nan yon mache an plennè.

Otorite lapolis alman yo di chofè kamyon an te dirije machin pwa lou a nan direksyon moun nan mache a ki te ouvè lendi 19 desanm nan, nan okazyon fèt fen dane yo nan lokalite Kaiser Wilhelm Memorial Church.

Polis kap sekirize zòn mache Nwèl la nan Bèlen, Almay apre yon kamyon te antre nan mache a e touye 9 moun.
Polis kap sekirize zòn mache Nwèl la nan Bèlen, Almay apre yon kamyon te antre nan mache a e touye 9 moun.

Yon ti tan apre aksidan an, ankèt lapolis sanble montre zak la se yon fèt eksprè. Otorite yo anonse yo arete chofè a, e yo jwenn yon lòt moun ki mouri anndan kamyon an.

Sitwayen alman ki te nan zòn mache a e ki te viv ensidan an di laprès chofè a tap fè vitès ak kamyon an ki tap kouri ak plis pase 60 mil alè.

XS
SM
MD
LG