Accessibility links

Breaking News

8 Eta manm Nasyonzini Pèdi Dwa Pou yo Vote Akòz yo Poko bay Kontribisyon yo


FILE - UN Secretary General Antonio Guterres.

Sekretè Jeneral Antonio Guterres te anonse manm Asanble Jeneral la madi, ke 8 eta, ki gen ladan Iran, Soudan ak Venezyela, pèdi dwa yo pou vote nan Nasyonzini akòz twòp dèt yo genyen pou òganizasyon an.

An total, " gen 11 eta manm ki gen reta ak pèman yo, nan kontribisyon yo te sipoze bay enstitisyon an, dapre chèf Nasyonzini an, ki itilize Atik 19 Konstitisyon Nasyonzini kont peyi sa yo ".

Atik 19 la bay enstitisyon an dwa pou sispansyon dwa peyi yo genyen pou yo vote nan Asanble Jeneral la depi yo pa peye kontribisyon yo.

Lis peyi ki pèdi dwa yo se: Iran, Soudan ak Venezyela, Antigwa ak Barbuda, Kongo, Gine, "Papouasie-Nouvelle-Guinée" ak "Vanuatu".

Sekretè jeneral la presize ki kantite minimòm kek nan peyi sa yo dwe bay pou rekipere dwa vòt yo: Iran ap oblije peye $18 milyon, Soudan prèske $300,000 ak Venezyela $40 milyon.

Ane pase, Iran te deja pèdi dwa li pou vote akòz dèt li te genyen. Teheran te di ke li pa t 'kapab satisfè minimòm ki nesesè a paske Washington te pran plizyè sanksyon ekonomik ak finansye kont li.

Ministè Iranyen te di ke "Sekretè Jeneral Nasyonzini an ak Sekretarya a ta dwe pran an konsiderasyon sikonstans patikilye peyi yo fè fas la, ak sanksyon ilegal ke Wasington ap pran kont yo".

Bidjè fonksyònman anyèl Nasyonzini an, ki te apwouve an Desanm, se anviwon $3 milya. Bidjè operasyon misyon pou sòlda mentyen lapè yo anviwon $ 6.5 milya.

XS
SM
MD
LG