Lapolis Ayisyen Sèvi ak Gaz Lakrimojèn Pou Kwape Manifestan Nan Pòtoprens

La polis ann Ayiti tire gaz lakrimojèn pou gaye moun ki tap manifeste nan kapital la Pòtoprens, pou ekzije demisyon Prezidan René Préval.

Anviwon yon milye moun te manifeste toupre anplasman ansyen Palè Nasyonal la.

Anpil moun kritike fason prezidan Préval te jere tranblemann'tè 12 Janvye a ki, non sèlman, detwi kapital la men tou lòt vil peyi a. Plis pase 200,000 moun pèdi la vi yo e yon milyon lòt pa gen kay pou yo rete.

Manifestan yo, ansanm ak lidè yo nan opozisyon an, akize prezidan Préval kòmkwa l'ap tranblemann'tè a kòm pretèks pou l' pwolonje manda l' sou pouvwa a jis nan mwa me 2011 si eleksyon pa dewoule nan fen ane a.

Korespondan nou Rotchild François Jr di nou sitiyasyon an te malouk nan lari a nan moman senatè yo tap vote yè apre midi pwojè lwa ki pwolonje manda Prezidan Préval la.