Lidè le mond antye reyuni nan Washington DC pou yon somé entènasyonal sou developman yon strateji mondyal pou pa kite zam nikleyè tonbe nan men teroris-yo.
Prezidan Etazuni-an, Barack Obama ki ap louvri 2 jou somè sa-a aswè-a di Teroris ki jwen materiel nikleyè tap tounen sèl pi gwo menas pou sekirite Etazuni.
Msye Obama di jounalis-yo yè Dimanch-la ke oganizasyon teroris tankou al-Qaida ap eseye mete men sou zam nikleyè e si yo reyusi, sa ka chanje sekirite mondyal-la pou plizyé ane kap vini-yo. Li di teroris-yo pa tap janm ezite utilize zam sa-yo.
