Accessibility links

Tranbleman'ntè Chili a Pwovoke Yon Tsunami Nan Rejyon Pasifik la


Yon tsunami ke tranbleman'ntè Chili a pwovoke travèse Lanmè Pasifik la e li rive nan peyi ki sitye nan basen Pasifik la, men pa gen okenn rapo gwo dega.

Dapre temwen nan Hawaii, prensipal vag lanmè yo te mezure ant 1-2 mèt de wotè. Responsab yo di pa gen gwo dega ki fèt men yo lanse avètisman pou di vag lanmè yo takapab kontinye vinn pi gwo toujou. Sirèn te sonnen toupatou sou il Hawaii pou avèti sitwayen yo soti bo lanmè a epi chache al lage ko yo nan rejyon ki pi wo.


Gwo vag ki mezure apepre 2 mèt wotè frape zile Polinezi Fransèz yo tou.

Nan la Nouvèl Zeland yo rapote gwo vag tou.


Sant avètisman Tsunami nan Rejyon Pasifik la nan Hawaii lanse avètisman bay il Filipinn, Taiwan, Endonezi ak plizyè lot zile nan rejyon Pasifik la. Yon avètisman ki mwen grav ann aplikasyon pou rejyon no basen Pasifik la.


Sant Avètisman pou Tsunami Ostralyen an lanse avètisman bay eta nan ès peyi a. Otorite yo di gwo vag lanmè takapab rive nan Ostrali bonè dimanch epi koze inodasyon.


Gwo vag sa yo supoze fini nan peyi Japon.

XS
SM
MD
LG