Accessibility links

Breaking News

Komunote Entènasyonal-la Ofri Chili Apui li Alasuit Tranbleman De Tè a


Komunote entènasyonal-la ofri Chili apui ‘l alasuit tranbleman de tè ki devaste peyi sud-ameriken-an.

Prezidan Barack Obama fè konnen li pale ak prezidan chilyen Michelle Bachelet, eli ofri asistans Lèzétazuni nan efò kap fèt pou sekouri viktim yo.

"Lèzétazuni déjà gen resouss ki pozisyone pou ale jwenn Chili, sizoka gouvènman nasyon amerik du sud-la ta mande èd yo,' Lidè Ameriken-an di.

Bò kote pa’l unyon ewopeyèn-nan pran angajman pou dekese yon asistans imedya, ki atenn $4 milyon. Prezidan komisyon ewopeyen-an, Jose Manuel Barroso, dekri sòm lajan sa-a kòm "yon èd preliminè" pou soulaje soufrans chilyen e satisfè bezwen imedya yo.

Sekretè jeneral Nasyon-Zuni, Ban Ki Moon, prezante kondoleyans bay pèp Chilyen pou pèt an vi umèn peyi-a subi nan kad tranbleman detè 8.8 sou echèl Richtè-a. Mesye Ban di lap chache evalue situasyon-an atravè komisyon ekonomik Lonu pou amerik latinn ak karayib-la, ki baze presizeman nan capital Chilyèn-nan, Santiago.

XS
SM
MD
LG