Accessibility links

Breaking News

Obama Pwomèt Asistans Pou Ayiti


Prezidan ameriken an Barack Obama mande responsab yon an administrasyon an pou pran tout dispozisyon pou asiste Ayiti apre tranbleman-d-tè ki sakaje kapital la, Pòtoprens yè Madi a.

Prezidan an di priyorite numewo 1 an se travay pou asiste pèsonèl anbasad ameriken an nan Pòtoprens, tout fanmi yo ak sitwayen ameriken swa kap viv ou byen kap travay an Ayiti. Prezidan an di yon lòt etap se mobilize tout resous pou asiste nan efò sekou yo.

Ekip asistans dezas ameriken yo ap kòmanse rive apre midi a nan Pòtoprens. Ekip rechèch ak sekou kap soti nan Florid, Virjini ak Kalifòni ap kòmanse rive apre midi a ak demen Jedi ansanm ak ekipman medikal, pèsonèl durjans. Prezidan an di efò yo dwe non sèlman rejyonal men tou entènasyonal.

Prezidan an mande ameriken kap chache lokalize fanmi yo pou kontakte depatman deta nan numewo 1-888-407-4747.Prezidan ameriken an, Barack Obama, fè konnen Lèzétazini pral fè tout sa l’ kapab pou ede viktim tranbleman de tè Ayiti a. Msye Obama di Lèzétazini lanse yon efò prese-prese ki agresif e byen kowòdone pou pote asistans bay nasyon karibeyen an. Premye bagay lidè ameriken an fè, se prezante kondoleyans li bay peyi d Ayiti :

Msye Obaba di, “Mwen vle prezante bay pèp ayisyen an kondoleyans pwofon pèp ameriken an ak apui solid Lèzétazini apre tranbleman de tè malouk ki rive yè madi a.”
Prezidan ameriken an pale tou de efò ki déjà sou pye pou voye pwodui alimantè ak lot materyèl ki pral nesesè anpil pou Ayisyen yo.
Prezidan Obama di, “ Pèp ayisyen an pral resevwa yon apui total nan men Lèzétazini atravè yon efo ijan pou jwenn moun ki bloke anba debri epi founi sekou iumanitè tankou livrezon manje, dlo potab, ak medikaman ke ayisien yo pral bezen nan jou kap vini yo.
Prezidan Obama mete aksan sou difikilte operasyon sekou yo poze, e li souliyen nesesite pou Lèzétazuni pase alasyon san pèdi tan.
“Nan yon dezas tankou dezas sa a, premye èdtan yo ak premye jou enpotan anpil-anpil, nan demach pou sove vi moun, yon fason pou evite yon trajedi ki pi grav. Mwen pase ekip mwen an lòd pou pote asistans sou teren an pi vit posib, epi pou yon fè kowòdinasyon ak patnè entènasyonal nou yo tou.
Pou sak konsène ameriken ki vle pran kontak ak manm fanmi yo ki an Ayiti, Prezidan Obama ankouraje yo kontakte Depatman Deta nan nimero sa a: 888-407-47 47.

Tranbleman de tè ki fra pe Ayiti yè madi a mete Pòtoprens chita sou yon pil debri, e dapre biwo Lakwa Wouj Entènasyonal nan vil Jenèv, gen anviwon 3 milyon moun ki afekte. Poko gen yon bilan jiskaprezan men otorite ayisyen yo kwè kantite viktim yo pral wo anpil.

XS
SM
MD
LG