Accessibility links

Prezidan Barack Obama Deklare Priyorite Gouvènman Li an Se Redrese Ekonomi Amerikèn nan


Prezidan ameriken an, Barack Obama, deklare priyorite gouvènman li an se travay sou kriz ekonomik kap vale teren nan peyi a, adopte mezi pou fè Lèzetazini depann mwens sou sous enèji etranje epi konbat efè chanjman klimatik la. Msye Obama, ki tap pale maten an nan Lamezon Blanch lan, di li mande Ajans Pou Pwoteksyon Anviwonnman an (EPA) pou’l revize tout desizyon gouvènman Bush la te adopte e ki anpeche Eta-yo fikse regleman pi sevè ke sa lwa federal yo pèmèt pou kontwole emisyon gaz “à effet de serre” kap sòti nan monflè otomobil e ki responsab (an pati) rechofman atmosfè planèt tè a. Nouvo prezidan an lanse apèl tou pou responsab yo tabli meyè “direktiv” pou machin ya’p fabrike Ozetazini konsome mwens gazolinn.

Prezidan Obama, ki tanmen premye semèn antye li kòm chèf dEta, lanse apèl pou lemond fòme yon koalisyon pou konbat fenomèn rechofman global la. Lidè ameriken an di genyen anpil travay ki rete pou fèt, men Lèzetazuni pa pral rete otaj “diminisyon resouss natirèl yo, ni otaj rechofman planèt la ou rejim ki pa gen bel lè avèk Lèzetazini.

XS
SM
MD
LG