Accessibility links

Prezidan Venezuela a, Hugo Chavez, Kritike Preparasyon Lèzetazini Te Fè Pou Pasaj Katrina a


Prezidan venezuelyen an deklare gouvènman Bush la demontre li kapab fè planifikasyon pou lagè, men li pa ka fè preparasyon pou asire byenèt sitwayen ameriken yo pandan dezas natirèl.

Prezidan Hugo Chavez te pale a gran lijyèn nan vil Caracas sou devastasyon siklòn Katrina fè nan Eta sou kòt sidès Etazini an:Alabama, Louisiane, Mississippi.

Msye Chavez di:soufrans li wè nan Nouvelle-Orléans ak nan lòt rejyon Katrina frape yo, se yon bagay dilere pou l' gade. Lidè venezuelyen an fè deklarasyon sa a pandan yon pwogram antèn-lib ki rele "Alo'w Prezidan" ki pase chak semèn sou chèn televizyon Leta Venezuela a, kote li pale preske san rete pandan apeprè 4 a 5 kè'd tan.

Prezidan Chavez ajoute: Gouvènman ameriken an pat pran okenn mezi prekosyon, alòske li konnen byen Nouvelle-Orléans se yon vil ki pi ba ke nivo lanmè a. Gouvènman pa evakye pèsonn. Konbyen milye moun ki mouri e ke yo te kavab transpòte pa avyon, elikoptè, kamyon ou pa bato al mete lòt kote. Yo pat mobilize menm yon grenn bato, pa yon sèl elikoptè anvan siklòn nan.

E li ajoute ann' angle: Mr. Bush was on vacation. In vacation in Crawford (in Texas pandan ouragan an). Msye Bush te an vakans. An vakans nan Crawford pandan siklòn nan tap pase".

Ozetazini tou, prezidan Bush resevwa anpil kritik pou mezi gouvènman li an te pran anvan e apre dezàs la. Men pi fò dirijan etranje yo pa bay opinyon yo sou pèfòmans gouvènman Bush la. Yo prefere voye kondoleyans yo e, nan kèk ka, ofri asistans pou viktim Katrina yo.

Prezidan Chavez pase konpayi gaz Leta Venezuelyen an Ozetazini (Citgo) pou l' delivre gazolinn "bon mache" bay pòv ak sinistre ouragan an. Msye Chavez mande direktè ekzekitif Citgo a, Felix Rodriguez, pou l' asire ke èd Venezuela a al jwenn moun ki plis nan nesiste yo.

Msye Chavez ajoute li pa gen pwoblèm ditou pou l' kritike prezidan Bush; paske se tout tan Washington ap kritike gouvènman li an sou kesyon dwazimen, respè demokrasi ak plizyè lòt bagay.

Prezidan Chavez pa sispann akize Etazini deske lap chèche asasinen li e denonse sistèm kapitalis la ak sa li rele "enperyalism ameriken an".

XS
SM
MD
LG