Accessibility links

5 Milya 800 Milyon Dola Pou Pwojè Envestisman sou Kontinan Ewopeyen an

  • Ekip Sèvis Kreyòl VOA

Lidè 27 peyi manm Inyon Ewòp la reyini nan Brussèl, nan La Beljik, mèkredi 23 me 2012 la, pou yon somè ki vize rezoud kriz dèt ki menase egzistans inyon an.

Dirijan yo wete sant atansyon Inyon Ewòp la sou politik mare-senti pou yo fikse li pito sou yon politik ki an favè kwasans ekonomik depi eleksyon sosyalis Francois Hollande nan peyi Lafrans. Epi enpas politik ki poze nan peyi Lagrès kote elektè yo rejte pati politik ki dakò po yo fè gwo bès sevè nan bidjè a kòm kondisyon pou yo benefisye yon pwogram sovtaj finansye.

Sou dosye sa a, Misye Hollande pa gen menm pozisyon ditou avek Chanselye alman an, Angela Merkel ki te apiye ak tout fòs li yon osterite depi kriz dèt la te komanse.

Lavèy somè a, palman ewopeyen an te aksepte yon pwogram pilòt ki pral itilize apeprè 300 milya dola; nan lajan sa a, 5 milya 800 milyon dola pral sèvi pou finanse pwojè envestisman.
XS
SM
MD
LG