Accessibility links

Breaking News

Negosyasyon Rekòmanse sou Pwogram Nikleyè Iranyen an


Direktè AEEA (Ajans Entènasyonal Enèji Atomik la), Yukiya Amano (foto achiv)
Direktè AEEA (Ajans Entènasyonal Enèji Atomik la), Yukiya Amano (foto achiv)
Reprezantan 6 pui sans mondyal ap rakontre ak negosyatè iranyen nan Bagdad, kapital Irak, kote y ap eseye jwenn yon akò ki ta kapab fè Iran sispann pwodui iranyòm ki anrichi anpil, paske, peyi oksidantal yo pè pou Iran pa itilize kalte iranyòm sa a pou li fabrike bonm nikleyè.

Negosyasyon sa yo, k ap dewoule mèkredi 23 me 2012 la, vini kèk èd tan sèlman aprè direktè AEEA (Ajans Entènasyonal Enèji Atomik la), Yukiya Amano, te fè konnen li espere Iran va siyen yon akò avèk ajans la pou pèmèt enspeksyon fèt nan enstalasyon nikleyèl li yo, e li va fè sa san pèdi tan.

Ajans la sispèk ke Iran ap sèvi ak kèk nan enstalasyon sa yo pou l bati yon pwogram nikleyè an kachèt. Misye Amano te retounen nan vil Vyèn, nan peyi Lotrich, madi 22 me a, aprè yon vwayaj nan Iran kote li te rankontre ak Saeed Jalili, prensipal negosyatè iranyen sou kesyon nikleyè.

Lidè Ajans Entènasyonal Enèji Atomik la pale pou l di li menm ak Misye Jalili pran desizyon pou yo rive jwenn yon antant kap pèmèt enspektè l ONU antre-sòti nan enstalasyon nikleyè yo --pami yo genyen yon sant nikleyè trè zenpòtan ki nan yon baz militè nan vil Parchin, toupre Teheran.
XS
SM
MD
LG