Accessibility links

Yon Somè l’OTAN nan Chicago Fini nan linyon Konsènan Afganistan

  • Ekip Sèvis Kreyòl VOA

Prezidan Barack Obama deklare manm Oganizayon Trete Atlantik Nò a (l’OTAN) rete ini nan apui yo pote bay yon plan pou mete fen pwogresivman nan lagè Afganistan an epi kite peyi sa a pran kontwòl sekirite li vè fen ane 2014. Pandan misye Obama tap fèmen, lendi 21 me 20123 la, yon somè 2 jou ki te reyini lidè peyi-manm l’OTAN yo nan vil Chicago, li di somè a pran fen avèk yon plan byen klè ki presize kisa wòl òganizasyon an nan Afganistan pral ye.

Sepandan, lidè ameriken an ensiste pou l di genyen anpil travay ki rete pou fèt toujou; pami travay sa yo, genyen efò pou jwenn yon solisyon pou pwoblèm alyans la genyen avè Pakistan, yon peyi vwazen Afganistan.

Daprè Misye Obama, Pakistan ak Lèzetazini ap fè sa li konsidere kòm “pwogrè rapid” nan negosyasyon kap dewoule pou wè si otorite pakistanè yo va relouvri fwontyè peyi yo pou kite konvwa kamyon l’OTAN pase ak ekipman e materyèl ki prale nan Afganistan. Prezidan Obama di:

" Mwen panse, a la fen dè fen, tout moun nan alyans la, tout manm fòs entènasyonal ki nan Afganistan-an, epi --sa ki pi enpotan toujou-- pèp Afganistan ak Pakistan, fin pa konprann pyès man 2 peyi sa yo pap genyen kalte sekirite, estabilite ak pwospereite yo bezwen an, toutotan yo pa rive rezoud divès pwoblèm ki poze depi lontan e ki rete san solusyon epi chache jwenn, ansanm ak komunote entènasyonal la, mwayen ki pou garanti ke pyès rejyon nan 2 peyi sa yo pa sèvi kòm abri pou pwoteje ekstremis.”

Nan moman nap ekri atik sa a, Alyans Atlantik la genyen 130 mil òm sou tèritwa afgan an nan kad yon kowalisyon Lèzetazini ap dirije. Finansman operasyon lame afgan an aprè ane 2014 kapab koute 4 milya 200 milyon dola pa ane –pi fò nan lajan sa a se Lèzetazini ki pral peye li.
XS
SM
MD
LG