“LaRisi lanse yon satelit pou mete li nan òbit anba Latè, ki, dapre estimasyon nou, ka yon zam pou kontre lespas, ki ka atake lòt satelit ki nan òbit anba Latè,” se sa pòtpawòl Pentagòn, Majò Jeneral Avyasyon Militè Pat Ryder di nan yon rankont ak laprès ayè madi a.
LaRisi te deplwaye zam “kontre-lespas” la 16 Me pou mete li nan menm òbit ak yon satelit gouvènman ameriken an, » se sa Ryder di.
Li di tou Washington ap kontinye swiv sityasyon an e ke li pare pou pwoteje enterè Etazini.
Anvan sa, menm ayè madi a, Moskou te akize Etazini kòmkwa li ap chache mete zam nan lespas apre ke Washington te mete veto sou yon mosyon LaRisi nan Nasyon Zini pou anpeche zam gaye nan lespas.
