Sòlda a, Travis T. King, te kouri travèse nan Nò a 18 Jiyè pandan li te nan yon gwoup touris sivil ki t ap vizite Zòn Sekirite Komen an sou fwontyè ki separe 2 Kore yo.
Otorite ameriken yo di yo kwè ke King te fè espre travèse fwontyè a.
Anketè Kore di Nò yo konkli tou kounye a ke King te fè espre travèse ilegalman, ak entansyon pou rete nan Nò a oswa yon 3èm peyi, dapre sa ajans nouvèl leta KCNA di.
King te antre nan Lame Ameriken an nan mwa Janvye 2021 e li te sèvi kòm yon eskout kavalye ak gwoup sòlda ameriken ki t-ap fè tou pa yo nan Kore di Sid, nan kad angajman sekirite Etazini depi plizyè dizèn lane nan Kore di Sid.
Li te fè fas a 2 akizasyon vwadfè nan Kore di Sid, e li te rive plede koupab pou yon ka vwadfè ak destriksyon pwopriyete piblik poutèt li te donmaje yon machin lapolis pandan li t-ap joure kèk Koreyen e di yo betiz, dapre dokiman tribinal la.
Otorite Ameriken yo di ajans nouvèl Reuters ke Etazini refize klase King kòm prizonye lagè, malgre li anba kontwòl Kore di Nò.
