Yon gason nan eta Utah ke lajistis te akize dèske li te fè menas vyolans kont Prezidan Joe Biden mouri pa bal ajan FBI kèk hè d tan sèlman anvan prezidan an te ateri nan eta a Mèkredi.
Otorite yo fè konnen ajan yo tire nèg la a 6hè 15 nan maten nan moman yo tap eseye remèt yon mande d arè bay Craig Deleeuw Robertson nan vil Provo, ki sitye o sid Salt Lake City.
Biden te pran avyon pou al Utah Mèkredi apremidi.
FBI ap egzaminen ensidan an pi pre.
Otorite yo di Robertson pibliye yon mesaj sou rezo sosyal yo Lendi pou di li te tande Biden ap vini Utah e ke li tap planifye pou l al deniche kotim kamouflaj li epi komanse netwaye pousyè ki sou mitrayèt M24 li a.
