Anvan sa, dè milye sipòtè jent la te rasanble nan yon estad nan kapital la Niamey, kote yo t ap fete pou desizyon jent la pou l pa sede devan presyon ki fèt andeyò peyi a pou li kite pouvwa a ke li te sezi 26 Jiyè pase.
Kou deta a se 7èm ki fèt nan 3 lane ki pase yo nan Sant ak Wès Afrik, nan youn nan rejyon ki pi pòv nan mond la. Kòm peyi ki chaje ak iranyòm ak petwòl e ki toujou nan batay ak militan islamis, Nijè enpòtan pou Etazini, Ewòp, LaChin ak LaRisi.
Chèf Defans yo nan Kominote Ekonomik Eta Afrik Lwès yo (CEDEAO) antann yo sou yon posib plan aksyon militè, ki prevwa ki lè ak ki kote pou yo frape si prezidan Mohamed Bazoum ki anba men lidè kou deta yo pa jwenn libète li e pa retounen nan fonksyon li.
