Tanperati lanmè a nan pwent sid eta Florid tèlman cho - li depase 100 degre Farenheit 2 jou afile - ke meteyorolojis yo di sa ba yo kè sote.
Administrasyon Atmosferik ak Oseyanik Nasyonal la, NOAA, di done pou tan an ak tanperati lanmè a poko ofisyèl e ke genyen kèk detay ki taka diskalifye tanperati yo anrejistre a kom reko ofisyèl. Sepandan, nan Manatee Bay, yo anrejistre yon tanperati 101,1 degree Farenheit Lendi swa.
A yon distans 40 kilomèt konsa ak zon sa a, savan yo te konstate konsekans devastan sou koray ki nan lanmè a ki te vin pèdi koulè yo nèt oubyen mouri akoz gwo chalè sa a nan lanmè a.
