Biden te vwayaje nan Fenlann, ki pataje fwontyè ak Larisi, touswit apre chita-koze LOTAN semèn sa a nan Vilnius, kapital peyi Lityani, e kounyea li ap patisipe nan yon somè Etazini ak peyi nan nò Ewòp yo, sa ki rele peyi Nòdik yo, somè kote li rankontre ak lidè peyi Fenlann, Syèd, Denmark, Islann ak Nòvèj.
Desizyon Fenlann pou rantre nan Òganizasyon Trete Nò Atlantik la kraze yon tradisyon ke li te kenbe depi sèt dizèn lane kote lame li pa te aliyen ap okenn grann pwisans, e rantre li a vin apeprè double fwontyè Òganizasyon Trete Nò Atlantik pataje ak Larisi.
