Accessibility links

Breaking News

Kantite Migran ki Vini Sou Fwontyè Etazini-Meksik Redui Preske 40%


USA-IMMIGRATION/TEXAS

Kantite migran ki vini sou fwontyè Etazini-Meksik la gen yon rediksyon preske 40 pousan – soti nan yon rekò apeprè 252-mil migran an Desanm 2022, pou rive nan apeprè 156-mil an Janvye – dapre sèvis Pwoteksyon Ladwann ak Fwontyè Etazini ki gen abreje ann angle CBP.

CBP kwè ke sa ki bay rezilta sa a se yon pwogram pawòl ki te tanmen 5 Janvye pase pou migran k ap soti Kiba, Ayiti, Nikaragwa ak Venezuela, 4 peyi ki bay pifò migran ki t ap chache janbe fwontyè pou antre Etazini nan mwa anvan yo. Pwogram sa a vize redui migrasyon san otorizasyon.

Pwogram nan fè li pi fasil pou pimpe tounen byen vit migran ki soti nan nasyon sa yo si yo janbe fwontyè a san otorizasyon.

Lendi-a, Alex Nowrasteh, ki se direktè etid sou politik ekonomik ak sosyal nan Enstiti Cato, pibliye yon etid ki moutre ke kantite migran ki soti nan 4 peyi-yo e k-ap rive sou fwontyè a te gen yon rediksyon 75, 8 pousan an Janvye.

XS
SM
MD
LG