Accessibility links

Breaking News

Pap François Mete Fen Nan yon Vwayaj Li Tap Fè nan Repiblik Demokratik Kongo


POPE-AFRICA/CONGO
POPE-AFRICA/CONGO

Pap François mete fen vandredi nan yon vwayaj chaje ak emosyon ke li t ap fè nan Repiblik Demokratik Kongo ki gen ti non RDC, e li mete tèt pou lakay vwazen Soudan Sid, yon lòt nasyon ki ap lite anba konfli ak mizè.

Lavèy jou pou li rive nan Soudan Sid-la, 27 moun te pèdi lavi nan peyi a ki nan sant liy Ekwatè a nan yon vyolans kif-kif ant elvè bèt ak yon milis lokal.

Bagay ki pa te janm fèt anvan, pap la pwal gen pou akonpaye li fwa sa a nan kapital Soudan Sid la Juba, achevèk Canterbury a ak Moderatè Legliz Ekòs la. 3 lidè kretyen yo espère tanmen yon mouvman lapè pou mete fen nan yon konfli ki la depi yon dizèn lane, ki ap dewoule sitou ant gwoup etnik diferan.

Pap la, ki gen 86 lane sou tèt li, nan 3èm vizit li nan Afrik anba Sahara a depi li te moute pap an 2013, te resevwa yon akèy ekstrèmman chofe nan mitan gwo foul moun nan kapital Kongo a Kinshasa, men li te konfwonte tou ak reyalite lagè, mizè ak grangou.

XS
SM
MD
LG