Accessibility links

Breaking News

Vis Prezidan Ajantin Fernandez Koupab nan yon Konplo Fwod ki Vo $1 Milya


Foto Achiv: Cristina Fernandez, Vis Prezidan Ajantin.

Yon tribinal jwen Vis Prezidan Ajantin, Cristina Fernandez koupab de fwod pou yon valè $1 milya ki gen rapò ak kontra travo piblik yo te akòde pandan prezidans li.

Yon panèl jij anonse kondanasyon an e yo kondane'l pou'l pase 6 zan nan prizon epi yo entèdi l janm poze kandidati li ankò pou yon pòs nan gouvenman an.

Lidè popilis la di li pral an apèl ak desizyon an.

Li demanti tout akizasyon yo e li atake jij ki pwononse santans la. Li di li se viktim yon "mafya jidisyè".

Sepandan, pi ta Fernandez te anonse li pap poze kandidati li a la prezidans ane pwochèn. Li te okipe pòs sa a ant ane 2007 pou rive 2015.

Patizan li yo sèmante pou yo paralize peyi Ajantin ak yon grèv nasyonal. Fernandez gen iminite - setadi pwoteksyon pou yo pa arete'l - jiskaske kou d'apèl la pran yon desizyon sou ka li.

XS
SM
MD
LG