Accessibility links

Breaking News

Senatè Patrice Dumont Mande Gouvènman Ariel la Pote Plent Kont Repiblik Dominikèn Pou Vyolasyon Dwa Moun


Haitians stand outside the Ministry of Interior and Police while waiting to register in the so-called "regularization" program, in Santo Domingo, June 17, 2015.

Repiblik Dominikèn ki kom prezidan Luis Abinader, deside fè anpil depòtasyon kont migran ayisyen ki ap viv san papye lakay li.

Malgre Wo Komisè Nasyonzuni pou Dwa Moun te mande Repiblik Dominikèn sispann depòte Ayisyen nan dat 10 Novanm 2022 a, depotasyon yo pa kanpe.

Volker Turk li te mande Abinader sispann depòtasyon Ayisyen yo akòz kriz dwa moun ak imanitè ki genyen an Ayiti.

Li te deklare: " sa twouble'm pou'm wè Repiblik Dominikèn kontinye ap depòte Ayisyen palafòs".

Senatè Patrice Dumont,ki se manm tyè sena ayisyen nan mikwo VOA Kreyòl mande pouvwa anplas la pote plent kont Repiblik Dominikèn pou vyolasyon dwa moun pa rapò ak sa k ap pase ayisyen k ap viv sou tèritwa dominiken an.

Dapre senatè a Repiblik Dominikèn pa nan bon pozisyon pa rapo ak kestyon rasism ak lwa entènasyonal migrasyon. Pou li menm kounyea balon an se nan men otorite Aysisyen yo li ye, pou denonse peyi vwazen an, devan gwo òganizasyon entènasyonal yo tankou CARICOM, OEA, ak LONU.

Li mande tou pou chef gouvènman an chèche wout diplomasi pou eseye redwi depòtasyon an mas ki ap fèt yo.

XS
SM
MD
LG