Accessibility links

Breaking News

Biden Vle Diskite ak Xi Sou Limit Li Pa Dwe Franchi nan Somè G20 an


Thai thumbnail - Biden Xi

Prezidan Ameriken an, Joe Biden, Mèkredi, eksprime volonte l pou l diskite ak tokay Chinwa li a Xi Jinping sou yon limit mityèl ke l pa dwe franchi nan somè chèf eta G20 ki pwograme pou fèt nan mitan mwa novanm nan.

"Sa mwen vle fè avè l 'lè nou pale se konnen ki limit ke nou dwe franchi, ki sa nou dwe respekte." Prezidan Demokrat la te fè deklarasyon sa yo nan yon konferans pou laprès nan Washington, 9 Novanm.

Mesye Biden te di ke li te vle etidye egzistans konfli posib ant "sa (Xi Jinping) konsidere kòm enterè nasyonal kritik pou peyi Lachin (ak) sa mwen konnen ki se enterè kritik pou peyi Etazini".

Prezidan Ameriken an te di li pare pou l travay pou sou yon rezolisyon pou konfli a, alòske relasyon ant Beijing ak Washington ap deteryore.

Lokatè Mezon Blanch lan prale nan Azi wikenn sa a, nan somè Asosyasyon Nasyon Sidès Azyatik (ASEAN) nan Phnom Penh, answit li ap pran direksyon Bali pou li a l patisipe nan reyinyon G20 an. Vis-prezidan Kamala Harris pral ale nan Forum Koperasyon Azi-Pasifik (APEC) kap fèt nan Bangkok limenm.

Se pral reyinyon estratejik pou Etazini, ki te idantifye Lachin kòm "sèl rival li" a lontèm.

XS
SM
MD
LG