Accessibility links

Breaking News

Grand Bretay: Moute Rishi Sunak Nan Tèt Peyi a Se Tankou Yon Lòt Obama


Gurukul School of Art teacher Sagar Kambli makes paintings to Congratulate New British Prime Minister Rishi Sunak in Mumbai, India, Oct. 25, 2022.

Moute Rishi Sunak nan pòs premye-minis Grand Bretay la parèt nan je kèk sipotè li kòm yon lòt Obama pou peyi a, lè yo konpare li ak eleksyon Barack Obama kòm premye prezidan nwa Etazini.

Sunak, ki gen eritaj endyen, se premye premye-minis ki pa blan nan Grand Bretay. Li gen 42 z-an, li pratike relijyon Endou, e yo te nonmen li nan pòs la madi, apre li te fin jwenn sipò yon majorite manm Pati Konsèvatè a nan palman an. E se pi jèn lidè britanik depi plis pase 200 lane.

Chwa istorik sa a te jwenn akèy tout pati yo nan chanm nan lè Sunak te rive pou reponn premye kesyon yo nan palman an kòm premye-minis, ayè mèkredi a.

Prezidan Etazini Joe Biden dekri nominasyon Sunak, lendi a, kòm yon « gwo zafè », e yon premye pa istorik.

XS
SM
MD
LG