Loretta Lynn, moun Kentucky ak pitit yon minè chabon ki te tounen yon pilye mizik country Ameriken mouri.
Fanmi chantez la di li mouri madi lakay li nan eta Tennessee. Li gen gen 90 zan.
Konpozisyon li yo te reflete fyète li nan orijin henb li, e se souban li te pale de eksperyans li antanke fanm ak manman pitit nan hit tankou "Coal Miner's Daughter," "You Ain't Woman Enough," epi "The Pill".
Otobiyografi li te pibliye an 1976 te pami liv ki te pi popilè Ozetazini e yo te fè'l tounnen yon film. Se aktris Sissy Spacek ki te jwe Lynn nan film sila a e li te ranpòte yon pri Oscar pou pèfòmans li.
Lynn te konpoze chante ki pale kare bare sou seks, lanmou epi mari'l ki te ba li kout ba. Li te pale tou de divòs, ak planin familyal - sa ki te ba li gwo tèt chaje pa fwa, paske chef pwogramasyon stasyon radyo yo pat kontan ditou.
