Accessibility links

Breaking News

Blinken Kòmanse Yon Toune Nan Amerik Latin pou Ranfòse Lyen ak Alye yo


Antony Blinken viaja a Colombia, el lunes 3 de octubre de 2022. [Foto: tomada de la cuenta de Twitter del Secretario de Estado]

Sekretè Deta Ameriken an Antony Blinken tanmen yon toune nan peyi Amerik Latin yo, prensipalman nan peyi Kolonbi, kote li vize ranfòse lyen ak alye kle Etazini. Vizit la ap fet apre plizye nan alye sa yo vin dirije pa prezidan zel gòch.

Deplasman Mesye Blinken nan rejyon an ap fèt apre plizyè vizit nan peyi Azyatik yo, epi Ewop pou diskite sou lagè a Ikrèn nan. Peyi Amerik Latin yo akize Etazini deske li neglije patnè li yo nan Amerik di sid la.

Vizit sa vini yon jou apre premye tou eleksyon prezidansyèl la nan Brezil, kote Prezidan dwatis Jair Bolsonaro t ap fè fas ak ansyen prezidan gochis la, Luiz Inacio Lula da Silva. Lula fini an premye posisyon e Bolsonaro fin an dezyèm. Yon 2 èm tou pral fèt 30 oktòb.

Sou Twitter, mesye Blinken te akeyi fason vòt la te byen dewoule e li di li espere ke "dezyèm tou a pral fèt nan menm lespri lapè ak devwa sivik la".

Toune Blinken nan kòmanse tou apre yon anons samdi deske Etazini boukante prizonye ak Venezyela. Echanj la fèt malgre Washington pa rekonèt Maduro kom prezidan lejitim peyi a, apre re-eleksyon li ki te fèt an 2018.

Brian Nichols, ki se responsab Depatman d Eta pou rejyon Amerik Latin nan, te asire jounalis yo Vandredi, ke Etazini pa neglije patnè l yo nan Amerik di Sid.

Nichols di: "Nou poko janm gen yon relasyon solid konsa ak Amerik di Sid" .

XS
SM
MD
LG