Accessibility links

Breaking News

Sityasyon Ayiti Vin Pi Grav nan Moman Moun ap Fè Fas ak Rate Dlo


Medam pote bokit dlo nan moman gen yon rate dlo ak gaz pou kwit manje ak lot pwodwi premye nesesite apre manifestasyon popile yo te lakoz moun oblije rete lakay yo nan Potoprens, Samdi 17 Septanm, 2022.

Dè milye Ayisyen ap fè fas ak rate dlo, apre plizyè jou manifestasyon ki te prèske bloke distribisyon an, dapre sa temwen yo di Reuters Samdi. Kriz sa a tonbe nan moman yon ouragan ap pwoche epi menase fè dega nan yon peyi ki deja ap soufri anba plizyè kriz.

Anpil sitwayen nan kapital la, Pòtoprens oblije rete lakay yo semèn sa a akoz kout zam ki te marye epi kawotchou ki tap boule nan mitan lari pandan manifestasyon kote popilasyon an tap pwoteste kont ogmantasyon pri gaz la epi zak vyolans ki sakaje peyi a.

Sa te lakoz konpayi ki konn livre dlo yo patka fonksyone komsadwa.

Anpil moun te pwofite yon trèv pandan wikèn nan pou yo kouri ale nan sant distribisyon yo pou achte ase dlo pou dire plizyè jou epitou gaz pou kwit manje.

Pandanstan, kè sote moun genyen pou Ouragan Fiona kap pwoche a te lakoz moun al fè apwovizyonman dlo tou. Meteyo fè konnen pi gwo lapli yo pral frape Repiblik Dominikèn Lendi.

XS
SM
MD
LG