Accessibility links

Breaking News

'Succession', 'Squid Game' ak 'Ted Lasso' Pami Pi Gwo Gayan yo nan Seremoni Emmys


Aktris Zendaya (a goch) epi Lizzo ki ranpote pri Emmy pou "Euphoria" ak "Lizzo's Watch Out For The Big Grrrls" nan seremoni remiz pri Emmy yo Lendi 12 Sept. nan Los Angeles.

Seri televize "Succession" ak "Ted Lasso" vannen tout konpetitè yo nan seremoni remiz pri Emmy yo Lendi. Nap raple ke pri Emmy yo se pou pi bon pami pi bon yo nan endistri televizyon Ozetazini. Se pri pi prestije yon atis kap travay nan domèn sa a kapab resevwa.

Met sou sa, "Squid Game" yon seri televize Sid Koreyen fè listwa lè li ranpote pri pou meyè seri dramatik la - se premye fwa yon seri etranje janm ranpote pri sa a.

Aktè ki ranpote pri yo te eksprime kè kontan yo epitou apresyasyon yo pou anbyans kontantman sware a.

Jèn aktris Zendaya ki jwe nan seri "Euphoria" ki popilè anpil ak jenès Amerikèn nan ranpote pri pou meyè aktris nan yon seri dramatik.

Zendaya di: " Mesi dèske nou kreye yon espas kote mwen santi'm an sekirite pou'm fè pwogram sa a ki difisil anpil."

Li ajoute: "Pi gwo swè mwen pou Europria se ke li ka geri moun. Mèsi tout moun ki pataje istwa nou avè'm. Mwen pote istwa sa yo avèm e pèsonaj mwen jwe a pote yo avè'l tou. Zendaya jwe wol Rue, pèsonaj prensipal la nan seri televize a."

Akte Brian Cox ki jwe nan "Succession" epi Nicole Ansari-Cox rive nan fet HBO ak HBO Max la pou fete gayan pri Emmy yo nan West Hollywood, Kalifoni, 12 Sept. 2022.
Akte Brian Cox ki jwe nan "Succession" epi Nicole Ansari-Cox rive nan fet HBO ak HBO Max la pou fete gayan pri Emmy yo nan West Hollywood, Kalifoni, 12 Sept. 2022.

"Succession" yon seri ki rakonte istwa yon anpir medya ke yon fanmi san fwa ni lwa dirije pataje pri pou meyè seri dramatik la avèk "Squid Game" yon seri Sid Koreyen ki rakonte istwa moun rich ki pa raz e ki deside fè yon moun defavorize patisipe nan jwèt pou timoun kote si yo pèdi yo mouri.

Akte Sid Koreyen Lee Jung-jae kenbe twofe Emmy li pou meye akte prensipal nan yon seri dramatik pou "Squid Game" nan seremoni remiz pri Emmy yo, Lendi 12 Sept. nan Los Angeles.
Akte Sid Koreyen Lee Jung-jae kenbe twofe Emmy li pou meye akte prensipal nan yon seri dramatik pou "Squid Game" nan seremoni remiz pri Emmy yo, Lendi 12 Sept. nan Los Angeles.

Aktè Koreyen Lee Jung-jae, ki jwe pèsonaj ki reprezante konsyans moral seri a, tounen premye aktè Azyatik ki janm ranpote pri pou meyè aktè nan yon seri dramatik.

Akte Jason Sudeikis ki ranpote pri pou meye akte prensipal nan yon komedi pou pefomans li nan "Ted Lasso", nan seremoni remiz pri Emmy yo, 12 Sept. 2022.
Akte Jason Sudeikis ki ranpote pri pou meye akte prensipal nan yon komedi pou pefomans li nan "Ted Lasso", nan seremoni remiz pri Emmy yo, 12 Sept. 2022.

Aktè Jason Sudeikis ak Jean Smart yomenm ranpote twofe pou meyè aktè ak aktris nan yon komedi. Sudeikis ranpote dezyèm pri Emmy li pou "Ted Lasso" ki se yon komedi ki gen pou wè ak foutbol, epi Smart limenm ranpote yon Emmy pou wol li nan "Hacks".

Aktris Sheryl Lee Ralph (a goch) epi Quinta Brunson (a dwat) ki ranpote pri nan seremoni remiz pri Emmy a pou pefomans yo nan seri televize "Abbott Elementary" 12 Sept 2022 nan Los Angeles.
Aktris Sheryl Lee Ralph (a goch) epi Quinta Brunson (a dwat) ki ranpote pri nan seremoni remiz pri Emmy a pou pefomans yo nan seri televize "Abbott Elementary" 12 Sept 2022 nan Los Angeles.

Pami nouvo gayan yo nou jwèn nwa Amerikèn Lizzo ak Quinta Brunson epi Sheryl Lee Ralph, ki jwe nan "Abbott Elementary".

Sheryl Lee Ralph di: "Mwen se yon espès an danje, men mwen pap pran poz viktim mwen. Mwen se yon fanm. Mwen se yon atis e mwen konnen ki kote vwa mwen dwe ye. Mwen la pou'm di nou men kisa sa sanble lè ou kwè nan tèt ou."

Lizzo te aksepte pri pou meyè seri konpetisyon pou "Lizzo's Wath Out for the Big Grrrls".

Lizo di: "Le'm te piti - tout sa mwen te vle sete wè moun tankou'm nan televizyon. Yon moun ki gra, ki nwa ki bèl tankou'm."

Atis yo te defile sou tapi wouj la ak bèl rad ak koulè nan stil glamoure. Seremoni remiz pri Emmy yo te dewoule nan Los Angeles, Kalifoni, e chèn televizyon NBC te difize'l an dirèk.


Enfomasyon pou repotaj sa a soti nan Associated Press

XS
SM
MD
LG