Accessibility links

Breaking News

Zaporizhzhia: Macron Mande Putin Retire Zam Li nan Santral Nikleyè a


Russia Ukraine Talking to Putin

Prezidan franse Emmanuel Macron di Vladimir Putin ke se "okipasyon Ris la" ki reprezante yon risk sekirite pou santral nikleyè Ikrenyen an nan Zaporizhia" epi li mande Putin pou li retire "zam lou " li yo nan santral la.

Macron te di nan yon not pou laprès ke li "pral rete an kontak" ak tokay Ikrenyen li Vladimir Zelensky ak Direktè Jeneral IAEA Rafael Grossi a, "epi li pral pale ankò" ak prezidan Ris la "nan jou kap vini yo, pou yo ka jwenn yon akò ak garanti sou sekirite santral la".

Anvan sa, Kremlin an te endike ke Vladimir Putin te avèti Emmanuel Macron, nan yon apèl telefòn, kont "konsekans katastwofik" "atak regilye Ukrenyen" kont plant elektrik sa a, ki se pi gwo an Ewop.

Pandan apèl sa a, Macron "kondane kontinyasyon operasyon militè Ris nan Ikrèn epi li raple demann li pou yo sispann pi vit ke posib, pou negosyasyon yo ka kòmanse e ke souverènte ak entegrite teritoryal Ikrèn dwe retabli, " dapre sa Elysée a di.

Macron ak Zelensky te pale nan telefòn Samdi sou sitiyasyon an ki toujou "trè mangonmen" ozalantou izin elektrik la.

Chèf d Eta franse a "tou pwofite fè klarifikasyon ki nesesè ak prezidan Ris la sou sekirite alimantè a nan lemonn", e li ajoute ke li te raple Putin ke " sanksyon Ewopeyen yo pa aplike ni pou pwodwi agrikòl ni pou sa ki endispansab pou agrikilti tankou angrè".

Ikrèn ak Larisi te rive jwenn yon akò 22 jiyè nan Istanbul pou ede debloke ekspòtasyon ble ak mayi Ikrenyen yo ki te bloke nan Ikrèn akòz ofansiv militè Ris la. Sa te vin pwovoke yon kriz manje nan mond lan.

Men, Larisi di pwòp ekspòtasyon manje ak angrè li yo kontinye ap soufri akoz sanksyon L Oksidan enpoze kont li.

Nan Mèkredi, lidè Ris la te di ke ekspòtasyon sereyal Ikrenyen yo te ale jwenn peyi Ewòp yo pou pifò men pa peyi pòv ki gen pi gwo bezwen yo.

XS
SM
MD
LG