Anbasadè Etazini nan LaRisi, John Sullivan, mete fen nan pozisyon li kòm prensipal diplomat Etazini nan Moskou dimanch, apre preske 3 lane, soti nan administrasyon Trump pou rive sou Biden, e l ap pran retrèt li apre yon karyè byen long nan sèvis gouvèman.
Depa li, nan mitan yon kriz k ap vin pi grav sou kesyon lagè Ikrèn nan ansanm ak diskisyon sou Ameriken ki nan prizon nan Larisi a, se bagay moun t ap tann nan sezon otòn k ap vini an nan moman li rive nan longè tan ke anbasadè Etazini konn pase nan yon peyi.
Sullivan pase vale tan nòmal li kòm anbasadè Etazini an LaRisi, kote li t ap jere youn nan relasyon ant 2 peyi ki pi
difisil nan mond la nan yon sityasyon ke peyi sa yo pa te janm konnen anvan.
