Accessibility links

Breaking News

Lèzetazini ap Ranfòse Endistri Nasyonal Enèji Solè a, Epi Redui Depandans Peyi a de Lachin


U.S. President Joe Biden signs "The Inflation Reduction Act of 2022" into law at the White House in Washington

Washington - Dominasyon Lachin nan domèn endistri solè a reprezante yon risk pou chèn apwovizyonnman an ak sekirite nasyonal la, dapre kèk obsèvatè nan endistri a; sa reprezante tou youn nan rezon gouvènman ameriken an ap eseye ranfòse kapasite endistri solè a Ozetazini depi kèk tan deja.

Prezidan ameriken an te siyen, madi 16 out pase a, yon Lejislasyon sou Rediksyon Enflasyon an pou fè l tounen yon lwa k ap gen ladan l ankourajman fiskal pou devlopman yon endistri solè solid e djanm. Objektif Lamezonblanch se miltipliye pa 3 pwodiksyon endistri solè a Ozetazini anvan fen ane 2024.

Nouvo lwa a se yon repons pozitif pou apèl kèk moun nan endistri enèji solè a te lanse pou yo mande gouvènman an pase alaksyon pou bay endistri a jarèt epi mete nan menm nivo sa k ap fèt nan domèn nan Ozetazini ak nan Lachin. Anpil konpayi ameriken ap plenyen pou yo di Lachin kapab fabrike pano solè ak lòt pwodui nan domèn nan epi vann yo pi bon mache pase yo menm.

Lachin gen lontan depsi l ap elaji kad pwodiksyon pano sole lakay li epi fè inovasyon ki ede li desann pri pwodui li atravè lemond, daprè yon rapò Ajans Enèji Entènasyonal la (AEE) te pibliye nan mwa jiyè a. Yon lòt obsèvatè endistri a, Laboratwa Nasyonal Enèji Renouvlab la, fè konnen li te konstate yon fenomèn kote pri yo te desann a-pik pandan yon peryòd 10 zan apati de 2010.

XS
SM
MD
LG