Minis Defans Afrik di Sid Thandi Modise rive nan LaRisi pou yon konferans ke Moskou òganize sou sekirite entènasyonal. Vizit-la fèt pandan LaRisi gen yon envazyon k-ap kontinye nan Ikrèn e pandan fòs ris-yo okipe pi gran izin nikleyè sou kontinan Ewòp-la. Li fèt tou sèlman kèk jou apre Sekretè Deta Etazini Anthony Blinken te vizite Afrik di Sid pou chache jwenn plis sipò Afrik-la kont envazyon LaRisi-a.
Malgre Afrik di Sid fè konnen plizyè fwa ke li neut, li pa ni pou youn ni pou lòt nan lagè LaRisi-Ikrèn-nan, plizyè analis di prezans Modise nan 10èm konferans Moskou sou Sekirite Entènasyonal-la moutre ke peyi-a kanpe bò kote LaRisi.
“Nou pa wè okenn kondanasyon LaRisi, malgré gè-a lakoz anpil pwoblèm machandiz ak sèvis nan Afrik di Sid, dapre Ralph Mathekga, yon analis politik nan Sèvis Ransèyman Jeyopolitik.
